EGA offline
Ordiziako Jakintza ikastolako Batxilergoko ikasleei euskara irakasteko sortu zuen blogetik EGAko 2008ko azterketen ereduak kentzera behartu dute Maite Goñi irakaslea
EGAko azterketen ereduak, 'Euskaljakintza' webgunean.
BERRIAK laster zabaltzen dira Interneten. Hala gertatu da berriki Ordiziako Jakintza ikastolako Maite Goñi irakasleari gertatu zaionarekin. Batxilergoko ikasleei euskara irakasteko sortu zuen Euskaljakintza blog hezitzailean -2007an Estatu mailako Espiral sarietan irabazle suertatu zen ekimen berritzaileen artean- Goñik berak ematen du gertatutakoaren berri:
"Gaur goizean zur eta lur geratu naiz Administraziotik dei bat jaso-tzean: EGAko 2008ko azterketak saretik kentzeko eskatu didate, hori bai, egindako lana eta materialen baliagarritasuna aitortu ondoren. Liburu argitaratu berriak 'bere ibilbidea egin arte' ezin izango dut denon eskura ipini, hau da, hemendik urte bat edo bi igaro arte nire ordenagailuan gorde beharko dut egindako lana, eta EGAko azterketariek ezingo dute eredu berria ezagutu liburua erosi ezean", jaso du web orrian bertan.
Berriak oihartzun handia izan du blogarien artean. Goñik azaltzen duen bezala, ikasleek Euskararen Gaitasun Agiriko proben ereduak landu ahal izateko, 2008ko azterketetako galdera-erantzunak zintzilikatu zituen Euskaljakintzan . Baina Eusko Jaurlaritzak saretik kentzeko eskatu dio, material horiek salmentan jartzen baitira.
Irakasle ordiziarraren esanetan, "jasotako argudioekin bat etorri ez arren", erabakia onartu beharrean aurkitzen da. "Egindako lana eta materialaren baliogarritasuna aitortuta, ez al luke Administrazioak berak material hori denon eskura doan ipini behar? Hainbeste ordu, lan, giza eta ekonomia baliabide gure herrian euskara eta teknologia berriak sustatzeko, eta trabak ipini behar al dizkiogu bi horiek uztar-tzen dituen egitasmo eskuzabal bati?", itaun egiten du Goñik berak sortutako blogean.
Sarean pixka bat kuxkuxeatu duenak erraz ikus dezake kontu honek Interneten sortu duen erreakzio zerrenda luzea. Horietako gune batean, Sustatu.com gunean, hala laburbildu dute euskal blogarien sentimendua: zaila da ulertzen herri-administrazioaren jarrera hau.
|
|
LA PREGUNTA A LOS LECTORES
SOCIEDADEuskadi
- SAN FERMÍN
- Un cartel del donostiarra Ángel Blanco anunciará las fiestas de este año
SUSCRÍBETE
- BOLETÍN DE TITULARES DEL DÍA
- Introduce tu dirección e-mail y recibirás cada mañana los titulares más importantes en tu correo
Destacados
- LA FRASE
- 2008ko probak jasotzen dituen liburuak "bere ibilbidea egin arte" ezingo ditu sarean jarri galdera-erantzunak
Otras noticias
- La red educativa vasca detectó 60 casos de maltrato escolar grave el curso pasado
- El visto bueno de Lakua da luz verde al estudio sobre un tranvía en Txingudi
- La Diputación repara los baches de la N-I y de otras vías de Gipuzkoa
- Iberdrola reconoce que cometió errores en 105.000 recibos de la luz
- Las reclamaciones de usuarios suben un 24% en las telecomunicaciones
- CCOO exige cambiar la norma de complementos de la UPV
- Una nueva oportunidad para Pablo
- Cándido Ibar: "Es muy duro ver que tu hijo es inocente y no poder hacer nada"
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902