|

DONOSTIa. Altza eta Larratxoko liburutegiek txikienei zuzendutako ekitaldiak prestatu dituzte aste honetarako. Oraingo honetan ere, euskarazko ipuinen irakurketa eskainiko dute. Saioak 3 eta 5 urte bitarteko gaztetxoei zuzenduta daude.
Bihar, 17.30etik aurrera, proposamena Casares Tomasene kultur etxean izango da. Bertara gerturatzen direnek Xirula, xiruli, ipuinak gutxienez bi! lana entzuteko aukera izango dute.
Ostegunean, berriz, ekitaldia Larratxoko liburutegian izango da. Saioa 18.00etan hasiko da eta Kolorin kolorete, ipuinak datoz tente! izeneko istorioa eskainiko diete kultur gunean biltzen direnei.
Bi egunetan sarrera doakoa izango da. Ipuin irakurketak urte osoan zehar auzoetako kultur etxeetan egiten ari dira. Donostia Kulturak antolatutako ekimen honek gaztetxoenei programa zabala eskaintzeaz gain, euskaraz idatzitako lanen irakurketa du helburu. >a.a.
|
|
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902